Newskarobar is located in Nepal which provides the latest news online. Hundred per cent pure news no adult content at all.
- News Channel
- Newspaper
- Newspaper Advertising Agencies etc.
News Karobar | Read Online News Portal In Nepal
- समाचार
विशेष
राजनीति
शिक्षा/स्वास्थ्य
स्थानीय सरकार - विकास
सेयर
बैंक/वित्त
अटो - विशेष
अर्थजगत
समाज
विश्व - खेलकुद
दृष्टिकोण
खेलकुद
कर्पोरेट
नेपाल बैँकर एसोसिएसन (एनबीए)का पूर्वअध्यक्ष एवं नबिल बैँकका प्रमुख कार्यकारी अधिकृत अनिलकेशरी शाहले सामाजिक सुरक्षा कोषमा आबद्ध हुने भन्नेमा कुनै दुबिधा नभएको बताएका छन् । न्युज कारोबारसँगको संक्षिप्त कुराकानीमा उनले भने, ‘सामाजिक सुरक्षा कार्यक्रम धेरै राम्रो कुरा हो, विश्वले वर्षौंअघि सुरु गरेको अभ्यास नेपालमा सुरू भएको छ र यसमा आबद्ध हुने भन्नेमा कुनै दुबिधा छैन ।’
वृद्धावस्था योजनादेखि बिरामी हुँदा या दुर्घटना हुँदा कोषले प्रदान गर्ने सुविधा धेरै नै राम्रो रहेको उनले बताए । यद्यपि, प्रक्रियाका बारेमा अलिकति अन्योल रहेको उनको भनाइ छ ।
खाइपाइ आएको तलब घट्ने हो कि भन्ने रहेको र त्यस विषयमा पनि छलफल भइरहेको सीईओ शाहले जानकारी गराए । ‘बैँकहरू या सबै वित्तीय संस्थाहरू कोषमा आबद्ध हुनैपर्छ,’ उनले भने, ‘हालै भएको कार्यविधि संशोधनले हाम्रा केही चासोहरू सम्बोधन गरेको पनि छ तर पूर्ण छैन, हामी छलफलकै चरणमा छौँ, छिट्टै टुंगोमा पुगिन्छ भन्ने विश्वास छ ।’
अवकाश कोषबाट लिइने लोनका विषयमा पनि बैँकरहरूले चासो राखिरहेका छन् । अधिकांश बैँकहरूको आफ्नै अवकाश कोष छ । हाल ५७ वटा अवकाश कोष सञ्चालनमा छन् । अहिले बैँकका कर्मचारीले अवकाश कोषबाट शतप्रतिशत कर्जा लिनसक्ने व्यवस्था छ । तर, सामाजिक सुरक्षा कोषबाट भने ८० प्रतिशतमात्र कर्जा लिन सकिने प्रावधान छ ।
प्रमुख कार्यकारी अधिकृत शाहले अहिले जुनसुकै संस्था या बैँकहरू आन्तरिक तयारी गरेर कोषमा आबद्ध हुनसक्ने बताए । ‘केही भइसकेका पनि छन्, केही हुँदै छन्,’ शाहले भने, ‘प्रक्रियाका विषयमा सानो अन्योल छ, सम्भवतः चाँडै क्लियर होला ।’
सामाजिक सुरक्षा कोष र बैँकर एसोसिएसनबीच यो विषयमा चार–पाँच चरणमा छलफल भइसकेको छ । बिहीबारमात्रै पनि एनबीए र कोषबीच छलफल भएको छ । कार्यविधि संशोधन भइसकेपछि कोषले एनबीएसँगको छलफललाई तीव्रता दिएको हो ।
कोषको कार्यविधि संशोधनपछि धेरै बैँक सकारात्मक भएको पाइएको छ । एसोसिएसनका निर्देशक अनिल शर्माले कार्यविधि संशोधनपछि मोटामोटी कुराहरू सम्बोधन भएको बताए । ‘नेपालका लागि सामाजिक सुरक्षा कार्यक्रम नयाँ हो, पर्फेक्ट हुन त समय लाग्छ नै,’ उनले भने, ‘सकारात्मक छलफल भइरहेका छन्, हिजोको छलफल पनि राम्रै भएको छ ।’
Email: [email protected]
सूचना विभाग दर्ता नं. ४६४-२०७४/०७५
Contact Number: +977-1-5133060, +977-1-4107172